भोजपुरमा बढी मूल्यमा मल बिक्री गर्ने पसल सिल - Pahilo Online

भोजपुरमा बढी मूल्यमा मल बिक्री गर्ने पसल सिल

writer

भोजपुर । भोजपुरको अरुण गाउँपालिका ६ भोर्लाबोटेमा बजार मूल्यभन्दा बढीमा मल बिक्री गर्ने भद्रमान भुजेलको पसल सिल गरिएको छ । प्रतिबोरा ७ सय ८५ रुपैयाँ पर्ने युरिया मल २ हजारमा बिक्री गरेको खुलेपछि जिल्ला प्रशासन कार्यालयले पसल सिल गरेको हो ।

अनधिकृत खरिद गरेर महँगोमा किसानलाई बेचेको कुरा खुलेपछि बाँकी मल जफत गरिएको प्रमुख जिल्ला अधिकारी बसन्तराज पुरीले बताए । ‘उक्त मल कहाँबाट ल्याइएको भन्ने पत्ता लगाउन तीन जनाको छानबिन समिति गठन गरिएको छ,’ उनले भने, ’समितिले ७ दिनभित्रमा प्रतिवेदन बुझाउनेछ ।’ छानबिन समितिमा सहायक प्रजिअ कृष्णप्रसाद बस्नेत, जिल्ला प्रहरी कार्यालयका इन्स्पेक्टर पाण्डव राजवंशी र कृषि ज्ञानकेन्द्र भोजपुरका कृषि प्रसार विभाग अधिकृत अनिश सुवेदी रहेका छन् ।

६० बोरा मलमध्ये २० बोरा बिक्री गरिसकेकाले बाँकी मल मात्र सिल गर्न सकिएको प्रहरी चौकी जरायोटारका इन्चार्ज भलबहादुर राईले बताए । हुलाकका कर्मचारीसमेत रहेका भुजेलले इन्जिनमा समस्या आएपछि रोकिएको ट्रकबाट प्रतिबोरा १८ सयले खरिद गरेर राखेको बताएका छन् । प्रतिबोरा २ हजारले बेचेको उनले स्विकारेका छन् ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • सूचना विभाग दर्ता नं. १३५१–०७५–७६
  • प्रेस काउन्सिल सूचिकृतः १७१९–२०७६
  • पथरी-शनिश्चरे–१, मोरंग
  • सम्पर्क:  ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2024 Pahiloonline pvt ltd. All Rights Reserved.

Design / Developed by Thbytes