दुधकोशीमा माछा मार्न गएका युवक मृत फेला

सोलुखुम्बु । दुधकोशी नदीमा माछा मार्न गएका थुलुङ दुधकोशी गाउँपालिका–८ देउसाका ३९ वर्षीय वर्षीय लक्ष्मण रार्ई दुई दिनपछि मृत भेटिएका छन्। गत सोमबार माछा मार्न भन्दै दुधकोशी गएका राईको शव माप्यदुधकोशी–७ र थुलुङदुधकोशी–८ जोड्ने कायघाटमा राखिएको ह्युम पाईपभित्र अड्किएको अवस्थमा बुधबार मृत भेटिएको जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालले जानकारी दिए। प्रहरी निरिक्षक दर्नालका अनुसार राईको शव बुधबार नै कानुनी प्रकृया पूरा गरि आफन्तलाई जिम्मा लगाइएको छ।