पथरीशनिश्चरे । मोरङको पथरी शनिश्चरेको सिरिजंगा धार्मिक वनमा चुम्लुङ भवन निर्माण सुरु भएको छ । धार्मिक वनमा रहेको जग्गामा बन्ने भवनको शनिबार पथरी शनिश्चरे नगर प्रमुख दिलिप कुमार राई (किशोर)ले सिलान्यास गरेका छन् । आर्थिक वर्ष २०७६र७७ मा प्रदेश सरकारबाट ससर्त अनुदान ४५ लाख र उपभोक्ताबाट ५ लाख ४४ हजार २४६ रुपैया गरेर जम्मा ५० लाख ४४ हजार २ सय ४६ रुपैयाँमा भवन बन्ने भएको हो ।
भवन निर्माण सम्पन्न गर्नका लागि १ करोड १३ लाख लाग्ने प्राविधिक लागत स्टिमेट रहेको छ । सिरजिंगा चुम्लुङ भवन २ वर्ष भित्रमा आधुनिक सुविधा सम्पन्न र मौलिकता झल्कने गरी निर्माण सम्पन्न गरिने किरात याक्थुङ चुम्लुङका नगर सचिव प्रेम बहादुर लिम्बुले जानकारी दिए ।
