पथरीशनिश्चरे । बन्दहुने अवस्थामा पुगेको मोरङ्गको पथरी शनिश्चरे १ मा स्थापित अन्नपूर्ण आवासीय माध्यमिक अंग्रेजी विद्यालय निरन्तर संचालन हुने भएको छ । विद्यालयका संचालकहरुले विभिन्न कठिनाईका कारण विद्यालय बन्द गर्नु पर्ने बाध्यता रहेको भन्दै विज्ञप्ति निकाले पछि विद्यालयका शुभ चिन्तक दुखी बनेका थिए। तर पछिल्लो समय नयाँ समुहले सो विद्यालय लिएर संचालन गर्ने भएसँगै अन्नपूर्णले निरन्तरता पाउने भएको हो ।
पथरी शनिश्चरेको भुवनसिंह लिम्बूको नेतृत्वमा नयाँ व्यवस्थापनमा विद्यालय सञ्चालन हुने भएको हो । नयाँ व्यवस्थापनले विद्यालयका विद्यार्थी, शिक्षक, कर्मचारी तथा अभिभावकहरुलाई बिचलित नहुन अनुरोध गर्दै स्वस्थ्य वातावरणमा कक्षा संचालन गर्न नयाँ व्यवस्थापन तयार रहेको विद्यालयका नयाँ संचालक भुवनसिंह लिम्बुको भनाई छ। गत शैक्षिक सत्रमा विद्यालय संचालन भएको भवनबाट नै विद्यालय संचालन हुने समेत बताइएको छ ।
