पथरीशनिश्चरे । इलाका प्रहरीकार्यालय पथरीका प्रहरी नायव उपरीक्षक (डिएसपी) दिलिप कुमार गिरी चैत्र महिनाको उत्कृष्ट प्रहरी (BEST POLICE OF THE MONTH) घोषीत भएका छन् । जिल्ला प्रहरी कार्यालयले गिरीलाई उत्कृष्ट प्रहरी भएको घोषणा गरेको हो ।
गिरीले आफ्नो पेशागत मर्यादामा रहेर उत्कृष्ट कार्यसम्पादन गरेको भन्दै उत्कृष्ट प्रहरी घोषणा गरेको उल्लेख गरिएको छ । विभागीय मुल्य मान्यता, आदेश, निर्देशनको पालना गर्दै, व्यावसायिक, कर्तव्य निष्ठ रहेर उच्च मनोबलका साथ काम गरेको उल्लेख गरेको छ । गिरीले आफ्नो इलाकामा कोरोना भाइरस रोकथाम, प्रहरीको साथि म, लकडाउन कार्यान्वयन लगाएतका विषयमा उत्कृष्ट कार्य सम्पादन गर्दै आएका छन् ।
