विराटनगर । नेपाल सरकारले घोषणा गरेको लकडाउन ४० दिन नाघिसकेको छ । दैनिक ज्यालामजदुरी गरेर जीवन चलाइरहेका सबै तहका मानिसहरू आर्थिक अभावमाभोकै बस्नुपर्ने अवस्थासिर्जना हुँदै गएको छ । यस्तो अवस्थामा विराटनगर महानगर भित्रबसोबास गर्ने विपन्न र अभावमा रहेका व्यक्तिहरूलाई राहतप्रदान गर्न इसाई समाज विराटनगरले ५५ हजार बराबरको ५० बोरा चामल विराटनगर महानगरपालिकालाई हस्तान्तरण गरेको छ ।
इसाई समाज विराटनगर नागरिकस्तरको धार्मिक संगठन भएको कारण नागरिकको पीडा महशुस गर्दै सानो भएपनि सहायता उपलब्ध गराएको समाजका अध्यक्ष सुरज मल्लले बताए । राहत बुझ्दै विराटनगर महानगरपालिकाका प्रमुख भीम पराजुलीले समाजमा भएका हरेक धार्मिक निकायहरूले यसरी नै सहायता गरे जस्तोसुकै ठूलो कहरको सामना गर्न पनि सहज हुने बताए ।
