भोजपुर । लक डाउन उल्लंघन गरी सडकमा जथाभावी हिँड्नेलाई भोजपुर प्रहरीले कारवाही थालेको छ। प्रहरीले आइतबार ४३ जनालाई नियन्त्रणमा लिएर दुई घण्टा उभ्याएर कोरोनासम्बन्धी सचेतना दिएर छाडेको छ। कारवाहीमा पर्नेमा ३३ जना पुरुष र १० महिला रहेका जिल्ला प्रहरी कार्यालय भोजपुरले जनाएको छ। उनीहरुलाई कार्यालयल परिसरमा ल्याएर कारबाही गरेर छाडिएको हो ।
लकडाउन उल्लंघन गर्दै अत्याआवश्यक कामबाहेक घर बाहिर निस्केकाहरुलाई सदरमुकामका विभिन्न चोकबाट नियन्त्रणमा लिएको जिल्ला प्रहरी प्रमुख प्रहरी उपरीक्षक नरबहादुर सलामी मगरले जानकारी दिए । उनीहरुलाई कोरानाले विश्वसँगै नेपालमा पारेको प्रभाव र सामाजिक दूरीका विषयमा जानकारी दिएर छाडिएको उनले बताए । जिल्लामा पछिल्लो केही दिनदेखि लकडाउन उल्लंघन गर्ने को संख्या बढ्न थालेपछि प्रहरीले कडाइ गर्न थालेको हो ।
