प्रेमप्रसाद भट्टराई । कोरोना भाइरसको जोखिम रोकथामका लागि नेपाल तरुण दल पथरीशनिश्चरे नगरसमितिले सचेतना अभियानको रुपमा बाल्टीन हेण्डवास तथा साबुन साबुनपानि राखेको छ । आज (सोमबार) नेपाल तरुणदल पथरीशनिश्चरेका भुपेन रानापहेलीको संयोजकत्वमा सो अभियान राखिएको हो ।
पथरीशनिश्चरे बजार र सो आसपासका मुख्य चोकहरु, ट्राफिक कार्यालय, बसपार्क तथा शनिश्चरे लगायतका ठाउँहरुमा २० थान बाल्टी, हेण्डवास लगायतका सामग्री राखिएको थियो । नेपाल सरकारले कोरोना जोखिम न्युनिकरणका लागि २५ जना भन्दा बढी मानिस भेला हुन र कार्यक्रम गर्न रोक लगाएपछि सो कार्यलाई साथ दिँदै करिब १०र१२ जना तरुण युवाहरुको उपस्थितिमा सो कार्यक्रम गरिएको थियो ।
मानिसहरुको जमघट तथा आवतजावत भइरहने प्राय सबै ठाउँहरुमा सो सामग्री राख्ने योजना रहेको भएपनि बजार बन्द र अन्य समस्याका कारण आज सबै ठाउँमा राख्न नसकिएको संयोजक भुपेन रानापहेलीले जानकारी दिए । आवश्यकता अनुसार थप ठाउँमा पनि केही दिनभित्रै त्यस्ता सामग्री राखिने समेत उनले जानकारी दिए । अभियानमा बाल्टी राखिसकेपछि सो आसपासका ब्यक्तिहरुलाई उपस्थित गराएर कोरोनाबारे जानकारी, सतर्क रहन तथा नआत्तिन आग्रह समेत गरिएको थियो ।
