काठमाडौको टेकु अस्पतालमा मात्रै परीक्षण हुँदै आएको कोरोना भाइरसको परिक्षण प्रदेश नम्बर १ को धरान स्थित बीपी कोइराला स्वास्थ्य विज्ञान प्रतिष्ठानमा पनि हुने भएको छ ।
१० वटा आईसोलेसन बेड तयारी अवस्थामा राखिएकोमा सोमबार देखि २ वटा आईसियु सहितको २० वटा बेड सञ्चालनको तयारीमा रहेको बीपी कोइराला स्वास्थ्य विज्ञान प्रतिष्ठान धरानका सुचना शाखा प्रमुख धुर्व नेपालले जानकारी दिए ।
उनका अनुसार कोरोना परीक्षणका लागि ल्याब सञ्चालनका लागि तयारी अन्तिम चरणमा पुगेको छ । ल्याब तयारी भएपछि सरकारले कोरोना परीक्षणको लागि कीट पठाउने बित्तिकै प्रतिष्ठानमै कोरोनाको परीक्षण हुने उनले बताए । नेपाल सरकारको सहयोगमा प्रतिष्ठानले परिक्षण सेवा बिस्तार गरेको उनको भनाई छ ।
