विराटनगर । विश्वभर भर फैलिरहेको कोरोना भाइरसका कारण सरकारले संक्रमणबाट जोगिन आव्हान गर्दै २५ जनाभन्दा बढी भेला नहुन उद्री जारी पनि गरिसकेको छ । तर यता विराटनगर महानगरपालीले सामाजिक सुरक्षा भत्ता वापतको रमक बैकमा जम्मा गरेसँगै बैकमा वृद्धवृद्धाको भीड चौगुना देखिएको छ ।
विश्व स्वास्थ्य संगठनले सबैभन्दा बढी जोखिम वृद्धवृद्धामा हुने उल्लेख गरेता पनि यसबारे उनीहरुमा कसैलाई पनि त्यो बारे जानकारी छैन । सरकारले २५ जना भन्दा भेला नहुनु भनिएता यता वैंकमा त्यसको चौगुना भीड बढेको देखिएको थियो । भत्ता वापतको रकम बैंकमा जम्मा भएपछि शुक्रबार बिहानैबाट विराटनगरका बाणिज्य बैंकहरुमा भत्ता लिनेहरुको भीड बढेको थियो ।
चौमासिक रूपमा निकासा हुने भत्ता महानगरले फागुन अन्तिममा बैंक पठाएको थियो । बैंकले विवरण दाखिला गरेपछि राष्ट्रिय वाणिज्य बैंकले शुक्रबारबाट वितरण सुरु गरेको हो । भत्ता लिन बैंकमा ७० वर्ष माथिका जेष्ठ नागरिकहरुको ठूलो भिड लागेको छ । त्यस बाहेक सामाजिक सुरक्षा भत्ता लिने एकल महिला, दलित आदि समूदायको पनि बाक्लो उपस्थिति रहेको छ ।
