झापामा नियन्त्रीत लागुऔषध सहित ३ जना पक्राउ

झापा । झापाको मेचीनगर नगरपालिका ६ भन्सार गेट छेउबाट नियन्त्रीत लागुऔषध खैरो हेरोईन सहित ३ जना पक्राउ परेका छन् । लागुऔषध नियन्त्रण ब्युरो काकाडभिट्टाबाट नियमित चेकजाँचमा खटिएको प्रहरी टोलीले भारतीय बजार पानीट्याङकीबाट नेपाल तर्फ आउँदै गरेका अर्जुनधारा नगरपालिका ४ का १७ बर्षीय राजेश खड्का, अर्जुनधारा नगरपालिका ७ का १८ बर्षीय सुनिल कुमार मण्डल र १९ बर्षीय राजेश कालिकोटेलाई २ ग्राम खैरो हेरोईन सहित पक्राउ गरेको हो । पक्राउ परेका ३ नै जनाको सम्बन्धमा थप अनुसन्धान भईरहेको ईलाका प्रहरी कार्यालय काकडभिट्टाले जनाएको छ ।