पथरीशनिश्चरे । मोरङको पथरीशनिश्चरेमा मिस पथरीशनिश्चरे सिजन २ फाल्गुन अन्तिम हप्ताबाटसुरु हुने भएको छ । मिस पथरीशनिश्चरेको पहिलो संस्करण सफलतापुर्वक सम्पन्न भएकाले पुन दोस्रो संस्करण गर्न लागिएको आयोजकका संयोजक सन्तोष राईले बताएका छन् ।
बुद्ध युथ क्लबको आयोजनामा सो प्रतियोगिता हुन लागेको हो भने पहिलो संस्करण माउण्ट एभरेष्ट इण्टरटेनमेन्टले गरेको थियो । यस सिजनको फाईनल बैशाख २ गते हुने जनाइएको छ । फारम आवेदन दस्तुर ५ सय रुपैयाँ राखिएको प्रतियोगिताको फर्म सिटीजन नर्सिङहोम, युनिक फोटो स्टुडियो र रेडियो सिम्रिकमा पाइनेछ ।
यस्तै सिजन २ को फाल्गुन २६ गते बाट अडिसन सूरु हुने र २५ गते सम्म फर्म भर्न सकिने आयोजकले जानकारी दिएको छ । नगर भित्रका १६ बर्ष देखि २५ बर्षसम्मका कम्तिमा एसइ इ उतिर्ण अविवाहित युवतीहरुले सहभागिता जनाउन सक्ने संयोजक राईले बताए ।
मिस पथरीशनिश्चरेको ताज सहित नगद १ लाख रुपैँया , द्वितीय र तृतीयलाई क्रमशः नगद ५० हजार र ३५ हजार रुपैयाँ प्रदान गरिने आयोजकले आज आयोजित पत्रकार सम्मेलनमा जानकारी दिएको छ । सो प्रतियोगितामा प्रथम, द्वितीय, तृतीयका साथै मिस ट्यालेन्ट, बेष्ट स्माईल, मिस फ्रेण्डसीप, भिवरच्वाईस, मिस मल्टिमिडीया, मिस फोटोजेनिक, बेष्ट पर्सनालिटी र बेष्ट वक सहितको ८ बिधाका विजेतालाई नगद ८ हजार रुपैयाँका दरले पुरस्कार प्रदान गरिने बताइएको छ।
सो प्रतियोगिताको अनुमानित लागत १४ लाख ५५ हजार रहेको राईले बताए । सो प्रतियोगिताको आजैबाट आवेदन खुल्ला गरिएको प्रतियोगिताका संयोजक राईले बताएका छन । उनले अडिसन पश्चात् फाइनल अघि २५ दिने बन्द प्रशिक्षण गराइने समेत बताएका छन ।
गत सिजनकि विजेता मिस रिजु भट्टराईको समेत आजको पत्रकार सम्मेलनका उपस्थिति रहेको थियो । उनले आफनो अनुभव सुनाउदै पहिलो सिजनबाट आफुले धेरै कुरा सिकेर मिस पुर्वाञ्चलको १० औ संस्करण पनि जित्न सफल भएको बताइन् । उनले ११ औ संस्करण पनि पथरीले नै जित्नेमा बिश्वस्त रहेको बताईन् । यस्तै यो खुड्किलो मिस नेपाल र मिस वल्डमा जान सक्ने पनि बताईन् ।
