पथरी शनिश्चरे । मोरङको पथरी शनिश्चरे नगरपालिकाको सहयोगमा दलित सेवा संघमार्फत नौमति बाजाको तालिम सुरु भएको छ ।
वडा नम्वर १० मा नगर उपप्रमुख यमुना विष्ट वास्तोलाले नौमति बाजा सीप विकास तालिमको उद्घाटन् गरेकी छिन् । नगरको १ लाख ५० हजार रुपैयाँ बजेटमा नौमति बाजा सम्बन्धी तालिम र बाजाको व्यवस्थापन कार्यक्रम सञ्चालन गरिएको संघका सचिव कुवेरमान घतानीले जानकारी दिए ।
गत वर्ष नगरपालिकाको बजेटमा खरिद गरिएको बाजाको व्यवस्थापनका लागि समेत कार्यक्रममा छलफल भएको छ ।
