पथरीशनिश्चरे । संस्थागत विद्यालयहरुको छाता संघठन प्याव्सन पथरी शनिश्चरे नगर कमिटिको आयोजनामा भएको फुटबल खेलमा न्यू प्यागोडाले उपाधिजितेको छ । रेडस्टार आवासीय माविसंग भएको फाइनल खेलमा निर्धारित समयमा कुनैपनि गोल हुन नसकेपछि खेल टाइब्रेकरमा धकेलिएको थियो । टाइब्रेकरमा पनि खेल बराबरीमा पुगेपछि सडनडेथबाट न्यू प्यागोडाले जित निकालेको हो ।
प्रतियोगिताको म्यान अफ द सिरिज प्योगोडाको प्रविण ढकाल घोषित भए । खेलमा सबैभन्दा बढी गोल गर्ने अन्नपूर्णका गणेश बुढाथोकी पुरस्कृत भए ।
प्रतियोगितामा वाल्मीकी बोर्डिङ स्कुल र अन्नपूर्णवीच भएको खेलमा वाल्मीकी विजय हुँदै तेस्रो र अन्नपूर्ण चौथो भएका थियो । विजेता चौथो स्थान प्राप्त गर्ने स्कुललाई ट्रफी, मेडल र प्रमाणपत्र प्रदान गरिएको थियो ।
चार दिनसम्म भएको खेलमा नगरको २० वटा टिम सहभागि भएको प्याव्सन खेल संयोजक खगेन पुलामी मगरले बताए । खेलमा कक्षा ८ सम्मको विद्यार्थी सहभागि गराइएको थियो । प्याब्सनको नगर अध्यक्ष उपेन्द्र कडेलको सभापतित्वमा भएको समापन कार्यक्रममा नगरपालिका वडा नम्बर १ का अध्यक्ष बाबुराम लिम्बू, प्याव्सन प्रदेश समिति सदस्य नोवलकिशोर खनाल, जिल्ला सदस्य टिका दंगाल लगायतको सहभागिता रहेको थियो ।
