पथरी शनिश्चरे । मोरङको पथरी शनिश्चरे नगरपालिका कार्यालयले नगरमा सञ्चालित २ वटा योजनाको सोमबार अनुगमन् गरेको छ । नगर उपप्रमुख एवम् अनुगमन् समिति संयोजक यमुना विष्ट वास्तोलाको अगुवाईको प्राविधिक सहितको टोलीले वडा नम्वर ३ को मदन भण्डारी कृषि मार्गमा भएको ग्राभेल कार्यको अनुगमन् भएको छ । नगरको ६ लाख र उपभोक्ताको ९० हजार गरी ६ लाख ९० हजारमा ४ सय ८२ मिटर लम्वाई र ५ मिटर चौडाईको सडकमा १५ सेमी मोटाईको ए ग्रेडको ग्राभेल सम्पन्न भएको छ । सो सडकमा ६ वटा एकफुटे र ३ वटा डेढ फुटे ह्यूम पाइप समेत लगाइएको छ ।
यसैगरी, सोही वडाको छिमेकी लाइन सडक ग्राभेल कार्यको पनि अनुगमन् भएको छ । ८ लाखको लागतमा ७ सय ७० मिटर लम्वाई र ४ मिटर ८७ सेन्टिमिटर चौडाईमा १५ सेमी मोटाईको ग्राभेल कार्य सम्पन्न भएको छ । जसमा सम्झौताभन्दा २ सय मिटर बढी लम्वाईको काम गरेको समेत देखिएको छ ।
