लेटाङ । घरमा जडान भएको विद्युत सर्ट भई आगलागी हुँदा मोरङ्को लेटाङ ६ गुवाबारी (देउजे)स्थित जीवन तामाङको दुई तले काठको घर जलेर पूर्णरूपमा नस्ट भएको छ ।विहान ११ बजेको समयमा टिभि कोठामा विजुली सर्ट भै आगलागि भएको हो । आगो सुन्दरहरैचा नगरपालिका र इटहरी उपमहानगरपालिका बाट गएका दुई वटा दमकल, नेपाल प्रहरी , पुर्वी पृतना। तालिम केन्द्र लेटाङ्ग का नेपाली सेना तथा स्थानियको सहयोगमा करिव एक घण्टा पछि नियन्त्रणमा लिइएको थियो ।
आगलागिवाट करिव २५ लाख बरावरको क्षति भएको लेटाङ नगरपालिका वडा नं ६ का वडा अध्यक्ष जंगविर तामाङले जानकारी दिए । तामाङ्को घर पूर्ण रुपमा जलेर नष्ट भएकाले हाल पिडित परिवारलाई छिमेकीको घरमा राखिने लेटाङ नगरप्रमुख शंकर राईले जानकारी दिए । उनले पहिलो चरणमा खाद्यन्न र लत्ताकपडा नगरपालिकाले उपलव्ध गराउने नगर प्रमुख राईले बताए ।
