प्रेमप्रसाद भट्टराई(के.डी) । पथरीशनिश्चरे वडा नं २ मा अवस्थित लर्डबुद्ध बचत तथा ऋण सहकारी संस्थाले शनिबार १७ औँ स्थापना दिवस मनाएको छ । संस्थाका अध्यक्ष अमिर राईको अध्यक्षतामा सम्पन्न कार्यक्रममा पथरीशनिश्चरे नगरपालिकाकी उपप्रमुख यमुना विष्ट (बास्तोला)को प्रमुख आतिथ्यता रहेको थियो । त्यस्तै कार्यक्रममा संबिधानसभा सदस्य चण्डीप्रसाद राईको बिशेष आतिथ्यता रहेको थियो ।
पथरीशनिश्चरेका केही सहकारीहरुले नगरबासिमा ठगी गरिरहेको समाचार बाहिरीएको भन्दै अब स्थानिय सरकारले त्यस्ता संस्थाहरुमाथि अनुगमन गर्ने प्रमुख अतिथि यमुना विष्ट बास्तोलाले बताइन् । कार्यक्रममा बोल्दै उनले एकल महिला तथा बृद्धबृद्धाहरुलाई सम्मान गरेकोमा संस्थाको उच्च मुल्याङ्कन गर्दै धन्यबाद ब्यक्त गरीन् । त्यस्तै नगरमा रहेको सुकुम्बासी समस्याको समाधान यही सरकारले गर्ने समेत उनले बताएकी थिइन्।
संस्थाले नगरमा रहेर उक्त सहकारीका समाचार सम्प्रेषण गरि संस्थालाई योगदान पु¥याउने पत्रकारहरुका लागि स्थापना गरेको पत्रकारीता पुरस्कारबाट एभीन्युज टेलिभिजनका संबाददाता गोपाल काफ्लेलाई नगद रु ५ हजार १ रुपैयासहित सम्मान गरेको थियो । त्यस्तै संस्थाले एकल महिला राहत बितरण कार्यक्रम अन्तर्गत ५ जना एकल महिला नगद रु २ हजार प्रदान गरेको थियो । सहकारीले स्थापना दिवसको अवसरमा ५ पिन्टभन्दा बढी रक्तदान गर्ने संस्था जनता मा.वि, समृद्धि कृषि फार्म, नमस्ते बुद्ध इन्भेष्टमेन्ट कम्पनिलाई सम्मान समेत गरेको थियो ।