विराटनगर । कारको ठक्करबाट विराटनगर महानगरपालिका–६ मा एकजनाको मृत्यु भएको छ । शुक्रबार दिउँसो केसलिया रोड नजिकै रहेको झरना चोकको भित्री सडक खण्डमा को १ च ६६३९ नम्बरको कारको ठक्करबाट स्थानीय ५५ वर्षीया जागोदेवी कामतको मृत्यु भएको हो ।
शुक्रबार दिउँसो घरबाहिर सडकमा घाम तापिरहेको अवस्थामा महिलालाई तीव्र गतिमा पश्चिमबाट पूर्व तर्फ जाँदै गरेको कारले ठक्कर दिएको थियो । ठक्करबाट घाइते महिलालाई उपचारका लागि अस्पताल लैजाँदै गर्दा मृत्यु भएको जिल्ला प्रहरी कार्यालय मोरङका प्रवक्ता प्रहरी नायव उपरीक्षक मानबहादुर राईले जानकारी दिए ।
