पथरी शनिश्चरे । मोरङको पथरी शनिश्चरे नगरपालिकाले सञ्चालन गरेका विकासका योजनाहरुको अनुगमनका क्रममा पछिल्लो पटक २ योजनाको अनुगमन् गरिएको छ ।
नगर उपप्रमुख एवम् अनुगमन् समिति संयोजक यमुना विष्ट वास्तोलाको अगुवाईमा प्राविधिक सहितको टोलीले वडा नम्वर ५ को तित्रीझाँक खेलमैदानमा माटो पुरिएको र ६ को सडक ग्राभेलको योजना अनुगमन् गरेको हो ।
२ लाखको लागतमा तित्रिझाँक खेलमैदानमा माटो पुर्ने कार्य सम्पन्न भएको छ । जसलाई थप सम्याउन समितिले सुझाव दिएको छ । उता, ६ नम्वरमा नेवार कान्छाको घरदेखि कृष्ण वस्नेतको घर छेउ गेलाबारी चोकको पुलसम्मको ५ सय १२ मिटर सडक ग्राभेलको पनि अनुगमन् भएको छ । जसको लागत २ लाख ५० हजार रहेको छ ।
