मोरङमा । सशस्त्र प्रहरी बलको तीनवटा बोर्डर आउट पोष्ट भवन उद्घटन भएको छ । संघिय सरकार र प्रदेश सरकारले मोरङको सीमावर्ती क्षेत्रमा निर्माण गरेको तीनवटा बोर्डर आउट पोष्ट भवन शुक्रबार उद्घाटन भएको हो ।
नवनिर्मित भवनहरु सशस्त्र प्रहरी बल नेपाल १ नम्बर बराह बाहिनी मुख्यालय सुनसरीका प्रमुख सशस्त्र प्रहरी नायव महानिरीक्षक नगेन्द्रबहादुर थापाले उद्घाटन गरे । प्रदेश सरकार र संघिय सरकारको लागतमा विराटनगर महानगरपालिका – १६ दरैया बस्ती, धनपालथानको सोराभाग र रंगेलीमा विओपी पोष्टका लागि स्थायी संरचना निर्माण गरेको थियो ।
दरैया बस्तीमा विओपी भवन निर्माणका लागि रुक्मणीरमण पोखरेलले ५ कट्ठा जग्गा उपलब्ध गराएका थिए । सोराभागका लागि धनपालथान गाउँपालिका ३ का रमानन्द रौनियारले १० कट्ठा र रंगेली विओपीका लागि दामोदर मण्डलले २ कट्ठा ५ धुर र तारणी मण्डलले १ कट्ठा ५ धुर जग्गा उपलब्ध गराएका थिए ।
तीनवटा बोर्डर आउट पोष्टको उद्घाटन गर्दै बाहिनीपति थापाले मोरङ जिल्लामा सीमा नाका थप मजवुत बनाई सीमा स्तम्भ र सीमा क्षेत्रमा बसोबास गर्ने बासिन्दाहरुको सुरक्षामा जोड दिने बताए । उनले खुला सीमामा हुने क्रस बोर्डर क्राईम नियन्त्रण गर्ने बताए । भवन समुद्धघाटनकै कार्यक्रममा सशस्त्र प्रहरी बल नेपाललाई जग्गा दान गर्ने जग्गा दातालाई सम्मान गरिएको थियो ।
