अर्पना केशी । पथरीशनिश्चरे । पथरी शनिश्चरे ९ को कुशेचौरी प्रहरी चौकी बाट २ घर अर्थात २० मिटर नजिक राजु कार्कीको घरमा डेरा बस्ने कुमारी लावती राई र १ सय ५० मिटर भित्र रहेको पिताम्बर बास्कोटाको घरको पसलमा गएराती चोरी भएको छ ।
कार्कीको घरमा बस्ने लावतीको साडे ७ तोला सुन र १५ तोला चादी चोरी भएको छ । लावती सोमबार बाट कोठामा ताल्चा लगाएर घर गएकी थिइन् उनको ढोकाको ताल्चा लगाउने हेण्डीलको नथी काटेर चोरी भएको हो ।
उनी विगत ३ वर्ष अघीबाट कार्कीको घरमा डेरा बस्दै आएकी थिन् । यसै गरी बास्कोटाको घरको किराना पसलबाट ७ हजार नगद सहित ५ बट्टा चुरोट चोरी भएको हो । घटनाको बारेमा कुशेचौरी प्रहरी चौकीले मुचुल्का उठाएर अनुसन्धान अगाडी बढाएको प्रहरी साहायक निरिक्षक टिका प्रशाद कोईरालाले बताएकाछन्।
