बिरामी बोकेको बोलेरो दुर्घटनामा १ को मृत्यु ३ घाईते

ओखलढुङगा । ओखलढुङगाको चम्पादेवी गाउँपालिका ५ मा आज बिहान भएको बोलेरो दुर्घटनामा परी १ जनाको मृत्यु भएको छ भने ३ जना घाईते भएका छन् । आज बिहान साँढे ६ बजेको समयमा स्थानीय ५५ बर्षीय सन्तोष बि.क. बिरामी भई उपचारको लागि बा २१ च ७३६१ नम्बरको बोलेरोमा लिएर ओखलढुङगा जाने क्रममा बाटोमा आफै अनियन्त्रीत भई बाटोबाट करिव ४०० मिटर तल गोपे खोलामा खसेर दुर्घटना हुँदा बोलेरोमा सवार ५५ बर्षीय बि.क.को घटनास्थलमा नै मृत्यु भएको जिल्ला प्रहरी कार्यालय ओखलढुङगाले जनाएको छ । घटनास्थलमा प्रहरी टोली खटि गई घाईतेहरुको उद्धार गरी उपचारको लागि फिस्टेल एयरको हेलिकोप्टर द्धारा काठमाण्डौ पठाएको छ भने मृतकको कानूनी प्रकृया पुरा गरी अन्य थप अनुसन्धान भईरहेको उक्त कार्यालयले जनाएको छ ।