विराटनगर । बलात्कार अभियोग लागेका ‘सिद्वबाबा’ भनिने कृष्णबहादुर गिरी विराटनगरको सीमावर्ती नाका जोगवनीबाट भारत पसेर सम्पर्क विहीन भएका छन् ।
उनी जोगवनी नाकाबाट भारत पसेको स्रोतले जनाएको छ । गिरी सवार गाडी र उनका अंगरक्षक विराटनगर फर्किए पनि गिरी सम्पर्क्िवहीन भएको समाचार स्रोतले जनाएको छ । १ जना महिला अनुयायीलाई बलात्कार गरेको अभियोग लागेका गिरीलाई जिल्ला अदालत सुनसरीले केही साताअघि ३ लाख रुपैयाँ धरौटीमा रिहा गरेको थियो । जिल्ला अदालतबाट गिरी रिहा भएपछि महिलाले उच्च अदालत विराटनगरमा पुनरावेदन गरेकी छिन् ।
आज उच्च अदालतमा उनको पेशी तोकिएको थियो। उनी पेसीका लागि विराटनगर गएको भनिए पनि जोगवनीबाट चालकसँगै गाडी र उनका निजी सुरक्षाकर्मीलाई फर्काएर सम्पर्क्विहीन भएका छन् ।
