पथरी शनिश्चरे । मोरङको पथरी शनिश्चरे नगरपालिकाको योजना अनुगमन् समितिले आज ६ वटा योजनाको अनुगमन् गरेको छ । नगर उपप्रमुख यमुना विष्ट वास्तोलाको संयोजकत्व रहेको समितिले वडा नम्वर ९ को सिंहवाहिनी माध्यामिक विद्यालयमा ३ लाख रुपैयाँ बराबरको योजनाको अनुगमन् गरेको छ । सन्देशमुलक वाल पेन्टिङ, फलामको शिक्षक पोडियम टेबल १५ थान, सेतो पाटी १८ थान, फलामे झ्याल १५ थान, फ्रेम सहितको चार्ट वोर्ड ३० थान, भलिवल पोल २ थान, कार्पेट, फर्निचर मर्मत तथा सरसफाई गरी १२ शिर्षकको योजना सम्पन्न भएको हो ।
त्यसैगरी, अनुगमन् टोलीले वडा नम्वर ६ को गेलाबारी पश्चिम सडकमा ५ सय ५० मिटर लम्वाई र ४ मिटर चौडाईको ग्राभेलिङ कार्यको पनि अनुगमन् गरेको छ । वडा नम्वर ४ को भागिरथ माविमा कृषि सम्वन्धी आइएससीएजी पढाई सुरु गर्न नगरपालिकाले प्रदान गरेको कार्यक्रम अन्तर्गत वन्दै गरेको प्रयोगशालाको पनि दोस्रो पटक अनुगमन् भएको छ । पहिलो पटक केही सुधार गर्न सुझाव दिइएको थियो ।
टोलीले वडा नम्वर २ मा पथरी नगर अस्पताल हाताभित्र एक्सरे, फार्मेसी र आकस्मिक कक्षका लागि निर्माणाधीन भवनको पनि अनुगमन् गरेको छ । २० लाख २७ हजार रुपैयाँको लागतमा वन्दै गरेको सो भवन तथा अस्पतालको माथिल्लो तलामा ४ लाख ३१ हजार ४ सय ३१ रुपैयाँको लागतमा वन्दै गरेको हल सहितको थप कोठाको पनि उसैगरी अनुगमन् गरिएको अनुगमन् समिति संयोजक वास्तोलाले जनाइन्।
यसैगरी, शनिश्चरे चोकबाट पश्चिम दक्षिण वडा नम्वर ८ को दोहोलु सुक्रवारे सडक कालोपत्रेको पनि दोहोर्याएर टोलीले अनुगमन् गरेको छ । टोलीले वडा नम्वर ८ शुक्रवार बजारमा बेसहारा अवस्थाकी कुष्ठरोग पिडीत एकल महिला तुम्वादेवी राईको घर निर्माण कार्यको पनि अनुगमन गरेको छ । नगर उपप्रमुख वास्तोला सहितको टोलीले दाताहरुसँग सहयोग आव्हान गरेर राईको घर निर्माण कार्य अघि बढाएको हो ।
