प्रेमप्रसाद भटराई (के.डी)
पथरीशनिश्चरे । प्याब्सन पथरीशनिश्चरे नगरकमिटिले पथरीशनिश्चरे वडा नं ५ स्थित जनता आधारभुत विद्यालयका विद्यार्थीलाई न्यानो कपडा तथा स्टेशनरी सामग्री बितरण गरेको छ ।
२९ औँ प्याव्सन डे को अवसरमा विहिबार नगरकमिटिले सो सामग्री वितरण गरेको हो । सो विद्यालयमा अध्ययनरत ३० विद्यार्थीमध्ये विहिबार उपस्थित रहेका २५ जना विद्यार्थीलाई स्विटर, कापि कलम तथा अन्य सामग्री वितरण गरेको हो । प्याप्सनले हरेक पुस २४ गते वार्षिकोत्सवको रुपमा प्याव्सन डे मनाउने गरेको छ । वार्षिकोत्सको अवसरमा हरेक वर्ष सामाजिक कार्य गर्दै आएको प्याव्सन पथरीशनिश्चरे नगरकमिटिका अध्यक्ष उपेन्द्र कँडेलले जानकारी दिए ।
कार्यक्रममा पथरीशनिश्चरे वडा नं ५ का वडाध्यक्ष जोगबहादुर धिमाल, पथरीशनिश्चरे नगरपालिकाका उप सचिव तथा शिक्षा शाखाका प्रमुख शालिगराम काफ्ले, प्याब्सन मोरङका सल्लाहकार टिका प्रसाद दंगालको उपस्थिती रहेको थियो । विद्यालयका प्र.अ बलबहादुर धिमालले आफ्नो विद्यालयका विद्यार्थीलाई शिक्षाप्रति आकर्षित गर्न थप सहयोग गरेकोमा धन्यावाद ब्यक्त गरेका थिए ।
