ईलाममा रुखबाट लडेर १ जनाको मृत्यु

ईलाम । ईलामको माङसेबुङ १ नागरुङमा रुखबाट लढेर १ जनाको मृत्यु भएको छ । आज बिहान ११ बजेको समयमा बर्ष ६६ को धन राज लिम्बु घर नजिकै रहेको बारीमा घास झार्ने क्रममा अंदाजी १५, २० फिट अग्लो बोरीको रुखबाट लडेर मृत्यु भएको थियो । घटनाबारेमा जानकारी पाउनासाथ तत्काल घटनास्थलमा प्रहरी चौकी गजुरमुखीबाट खटिएको प्रहरीको टोलीले घटनास्थल सुरक्षित राखेको थियो भने ईलाका प्रहरी कार्यालय रबी पाँचथरबाट खटिएको प्रहरीको टोलीले सम्पुर्ण कानूनी प्रकृया पुरा गरेको उक्त कार्यालयले जनाएको छ ।