अर्पना केशी
पथरी शनिश्चरे । मोरङको पथरीशनिश्चरे वडा नं ४ मा रहेको उपलब्धी समृद्धी बहुउदेश्य सहकारी संस्थाले आफ्नो संचानलको दोस्रो साधारण सभा आज (शनिबार) सम्पन्न गरेको छ।
सभामा वार्षिक प्रगति विवरण अध्यक्ष सोमनाथ आचार्यले गरेका थिए । उनले ०७५, ७६ मा संस्थाको आम्दानी ८ लाख ४१ हजार ३ सय ३५ रुपैया, खर्च ७ लाख ७४ हजार ३ सय ९८ रुपैयाको आम्दानी सार्वजनिक गरिएको छ । बैकमा रहेको ६६ हजार ९ सय ३७ रुपैया आउने कार्यक्रमलाई समेट्ने आचार्यले बताएकाछन् । २०७० सालमा स्थापना भएको सहकारीले छैटै सभा र संचालनको भने दोस्रो साधारण सभा सम्पन्न गरेको हो ।
सहकारीले आम्दानी बढाएर लाने र शेयर सदस्यहरुलाई थप सेवा दिने लेखा सुपरीवेक्षक थिर प्रसाद आचार्यले बताएका छन्। ३ सय ४० जना शेयर सदस्यलाई प्रमाण पत्र वितरण गरिएको छ । सभामा वडा नं ८ का अध्यक्ष बाबुराम दाहालको प्रमुख आतिथ्यता रहेको थियो भने सभाको संचालन लगानी उप समितीका सदस्य रविन मगरले गरेका थिए ।