उदयपुरमा ट्याक्टरबाट लडेर ७ बर्षिया बालिकाको मृत्यु

उदयपुर । उदयपुरको चौदण्डीगढी नगरपालिका २ सुगारे स्थित भित्री सडक खण्डमा ट्याक्टरबाट लडेर स्थानीय ७ बर्षिया रोशिका कार्कीको मृत्यु भएको छ । सोमबार दिउँसो साढे १२ बजेको समयमा उत्तर बाट दक्षिण तर्फ जादै गरेको को. २त.६२५१ नम्बरको ट्याक्टरमा सवार ट्याक्टर बाट लडेर गम्भिर घाईते भएकी थिईन । घाईते उनलाई तत्काल उपचारकोलागी बेल्टार स्थित शुभकामना मेडिकलमा ल्याईएकोमा उपचारको क्रममा उनको मृत्यु भएको जिल्ला प्रहरी कार्यालय उदयपुरले जनाएको छ । ट्याक्टर र ट्याक्टर चालक चौदण्डीगढी नगरपालिका ६ स्कुल डाँडा बस्ने बर्ष २५ को अम्मर कार्कीलाई ईलाका प्रहरी कार्यालय बेल्टारले नियन्त्रणमा लिएको छ ।