लागूऔषध ब्राउनसुगर सहित २ जना पक्राउ

सुनसरी । सुनसरीको धरान उपमहानगरपालिका ८ स्थितबाट अवैध लागूऔषध ब्राउनसुगर सहित २ जना पक्राउ परेका छन् । ईलाका प्रहरी कार्यालय धरान र प्रहरी चौकी तिनकुनेबाट खटिएको प्रहरी टोलीले आईतबार राती झापाको मेचीनगर नगरपालिका ४ काँकडभिट्टा बस्ने ३६ वर्षीय राजेश कुमार दाहाल र मेचीनगर नगरपालिका ६ बस्ने २६ वर्षीय पासाङ शेर्पालाई २२ दशमलब ३३ ग्राम लागूऔषध ब्राउनसुगर सहित पक्राउ गरेको हो । ईटहरीबाट धरानतर्फ जाँदै गरेको डब्लुबि ७४ ए एफ ३१४९ नम्बर प्लेटको भारतीय कार चेकजाँच गर्ने क्रममा उक्त परिमाणको लागूऔषध फेला पारी कार चालक दाहाल र कारमा सवार शेर्पालाई नियन्त्रणमा लिईएको थियो । घटना सम्बन्धमा आवश्यक अनुसन्धान भईरहेको ईलाका प्रहरी कार्यालय धरानले जनाएको छ ।