धनकुटा । ट्रेलरलेअटोलाई ठक्कर दिदा अटो चालक धनकुटा नगरपालिका २ बस्ने २५ बर्षीयदशरथ पाख्रिन र अटोमा सवार तेह्रथुम छथर गाँउपालिका १ बस्ने ४२ बर्षीयसाङ्गे शेर्पाको घटनास्थलमै मृत्यु भएको छ। आज बिहान १२ बजे धनकुटा छथरजोरपाटी २ फलैचा स्थित कोशी लोकमार्गमा हिलेबाट जोरपाटीतर्फ जादै गरेको को२ ह ६६११ नम्बरको अटोलाई बिपरित दिशाबाट आउदै गरेको को१ख ६९१२ नम्बरको ट्रेलरले ठक्कर दिदा अटो चालक दशरथ पाख्रिन र अटोमा सवार साङ्गे शेर्पाको घटनास्थलमै मृत्यु भएको जिल्ला प्रहरी कार्यालय धनकुटाले जनाएको छ। ठक्कर दिने ट्रेलर र ट्रेलर चालक संखुवासभा मादिमुलखर्क बस्ने ज्ञान ब. गुरुङ प्रहरी चौकी सिधुवाको नियन्त्रणमा रहेको उक्त कार्यालयले जनाएको छ।