सामुहिक कुटपिटबाट १ जनाको मृत्यु

सोलुखुम्बु । सोलुखुम्बुको माप्यदुधकोशि गाउपालिका ३ दाम्कु भन्ने स्थानमा कुटपिटबाट १ जनाको मृत्यु भएको छ । गत २५ गते स्थानीय कर्णबहादुर कार्किको बिबाहघरमा गएका सोही गाऊपालिका २ बस्ने बर्ष १८ को पबिधन राईलाई सोही गाउपालिका ३ बस्ने बर्ष २७ को डाकमानकार्कि समेत अन्य १०, १२ जनाको समुहले बादबिबाद गरी कुटपिट गर्दा घाईते भएका पबिधनराईलाई उपचारको लागी के एम सि अस्पताल सिनामंगल काठमाण्डौ लगीएकोमा उपचारकोक्रममा शुक्रबार मृत्यु भएको जिल्ला प्रहरी कार्यालय सोलुखुम्बुले जनाएको छ । कुटपिटमा संलग्न डाकमान कार्किलाई नियन्त्रणमा लिनुका साथै फरार रहेका अन्यको खोजतलाश भईरहेको उक्त कार्यालयले जनाएको छ ।