ट्रक र कार संग मोटरसाईकल ठक्कर खाई दुर्घटना हुदाँ १ जनाको मृत्यु

झापा । झापाको कन्काई नगरपालिका ४ स्थित पुर्ब पश्चिम राजमार्गको को टीहोम स्थित ट्रक र कार संग मोटरसाईकल ठक्कर खाँदा १ जनाको मृत्यु मृत्यु भएको छ । आज(मंगलबार) बिहान ६ बजेको समयमा सडकको छेउमा रोकी राखेको ना ५ ख ७६६० नम्बरको ट्रकमा पश्चिम बाट पूर्ब तर्फ आउँदै गरेको को ३९ प ७५४ नम्बरको मोटरसाईकल ट्रकको पछाडी आफै ठोकिएर उछिटिदा पुर्ब बाट पश्चिम तर्फ जाँदै गरेको मे १च ४२८१ नम्बरको कारमा ठोकिएर दुर्घटना हुँदा मोटरसाईकल चालक मोरङको अमरदह नगरपालिका २ बस्ने बर्ष २३ को किशन शाह गम्भिरघाईते भएका थिए । उनलाई उपचारको लागी बिएण्डसी अस्पताल बिर्तामोड पुर्यारउन साथ डाक्टरलेमृत घोषणा गरेका थिए । ट्रक, ट्रक चालक, कार र कार चालकलाई ईलाका प्रहरी कार्यालय सुरुङ्गाले नियन्त्रणमा लिएको जिल्ला प्रहरी कार्यालय झापाले जनाएको छ ।