विराटनगर । विराटनगरमा रहेको बाल सुधार गृहबाट दुई जना बालक भागेका छन् । सोमबार बिहान सुधार गृहको दोस्रो तल्लाको झ्यालको ग्रिल निकालेर दुई बालक भागेका हुन् ।
बिहान करिब ४ बजे ज्यान मार्ने उद्योग र जवरजस्ती करणी मुद्दामा पूर्पक्षका लागि सुधार गृहमा रहेका १६ र १७ वर्षीय बालक भागेको जिल्ला प्रहरी कार्यालय मोरङका डिएसपी राजकुमार खिइजूले जानकारी दिए । भागेकाहरू गत असार र साउनदेखि सुधार गृहमा थिए । झ्यालको स्क्रुप खोलेर भागेकाहरूको खोजी भइरहेको खिइजूले जानकारी दिए ।
