झापाको भद्रपुरमा तास खेलिरहेका १७ जना पक्राउ

झापा । झापाको भद्रपुर नगरपालिका ५ बाट तास खेलिरहेका १७ जनालाई प्रहरीले नियन्त्रणमा लिएको छ । आईतवार राती ११ बजेको समयमा भद्रपुर नगरपालिका ५ मा रहेको पुल हाउसमा तास खेलिरहेको भन्ने गोप्य सूचनाका आधारमा जिल्ला प्रहरी कार्यालय झापा तथा वडा प्रहरी कार्यालय भद्रपुरबाट खटिएको प्रहरी टोलीले तास खेलिरहेका भद्रपुरकै संजित घोस, बिजय साह, देबेन्द्र राजबशी, कृष्ण अग्रवाल, सागर खड्का, बलदेव राजबशी, अमरदिप घोस, राजिप सहनी, रुपेश झा, रवी राजबशी, अनुज दास, गणेश सिह, कबिर क्षेत्री, शिब महतो, संजिप साह, श्रवण कामती र बुद्ध नारायण महतोलाई पक्राउ गरेको हो । तासको खालबाट प्रहरीले नगद २,२६,५४२, १ बुङ तास र १६ थान मोवायल बरामद गरेको जिल्ला प्रहरी कार्यालय झापाले जनाएको छ ।