काठमाडौ । दक्षिण एसियाली खेलकुदका लागि महिला भलिबल टोलीको घोषणा भएको छ । आइतबार नेपाल भलिबल संघले १४ सदस्यीय खेलाडीको नामावली घोषणा गरेको हो ।
हालै बंगलादेशमा सम्पन्न एभीसी सेन्ट्रल जोन महिला भलिबल प्रतियोगिता खेलेका १२ खेलाडीमा दुई खेलाडीको नाम थप्दै संघले उक्त टोलीको घोषणा गरेको हो । थपिनेमा उषा भण्डारी र हीरा केसी रहेका छन् ।
अरुणा शाहीको कप्तानीमा घोषणा भएको नेपाली टिममा प्रतिभा माली, सरस्वती चौधरी, निरुता ठगुन्ना, जानकी भण्डारी, सफिया पुन, उषाकुमारी विष्ट, सुनिता खड्का, कमला पुन, रेश्मा भण्डारी, पुनम चन्द, उषा भण्डारी, हीरा केसी र सलिना श्रेष्ठ छन् । सागका लागि आजदेखि प्रशिक्षण पनि सुरु भएको छ ।
