सुनसरी । इटहरी उपमहानगरपालिका – १५ एकम्बाका ५५ बर्षीय महादेव चौधरीको दुबै मृगौलामा खराबी र समस्या आएका कारण परिवार बिचल्लीमा परेका छन । बिराट टिचिङ्ग हस्पिटलमा एक महिना उपचार पछि सुधार नभएपछि उनलाई बि.पि कोइराला स्वास्थ्य बिज्ञान प्रतिष्ठान धरानमा राखिएको थियो । परिवारको आर्थिक अवस्था कमजोर भएका कारण उनलाई १३ दिन पछि घरमै ल्याएर राखेका छन ।
उनि एक काठ मिस्त्री हुन, उनका परिवारको रोजिरोटी ज्याला मजदुरी गरेर चल्छ । उनका छोरा छैनन र ६ जना छोरीका पिता चौधरी थलिएपछी आर्थिक अवस्था अत्यन्तै कमजोर भएको कारण छोरी बिमला चौधरीले थप उपचार खर्च जुटाउन र पिताको जिवन जोगाई दिन सबै संग अनुरोध गरेकी छिन । इटहरी उपमहानगरपालिकाबाट सिफारिस समेत लिएर सहयोगका लागि बिभिन्न संघ, संस्था, सहयोगी ब्यक्तिहरुसंग सहयोग गर्न चौधरी परिवारले आग्रह गरेका छन। हाल सम्म ऋण काढेर २ लाख ३० हजार उपचार खर्चमा सकियो, आफ्नो जग्गा भएको भए बेचेर उपचार गर्थे, अहिले बुवाको यो नाजुक अबस्था देख्दा ऋण दिन पनि मान्दैन बिमलाले भनिन् ।
सम्पूर्ण आफन्तजन र सम्पूर्ण शुभचिन्तकहरुमा सहयोगको लागी सहृदयी मन मुटुहरुले पिडितकी श्रीमति अनितादेवीको नाममा रहेको एनआईसी एसिया बैंकको इटहरी शाखाको खाता नं.०४५७५०६५४५७९००१ मा सहयोग गर्न सकिनेछ।
