दुर्घटनामा परी मोटरसाइकलमा सवार १ को मृत्यु १ जना घाईते

सुनसरी । सुनसरीको कोशी गाउँपालिका ४ मा आज (मंगलबार) बिहान भएको सवारी दुर्घटनामा परी १ जनाको मृत्यु भएको छ भने १ जना घाईते भएका छन् । बिहान साँढे ९ बजेको समयमा पश्चिमबाट पुर्व तर्फ आउदै गरेको स १ झ २६८ नम्बरको गाडीले बिपरीत दिशाबाट जादै गरेको को ३० प ५३०१ नम्बरको मोटरसाईकललाई ठक्कर दिंदा घाईते भएका मोटरसाईकलको पछाडी सवार रहेका पृथ्वीनगर नगरपालिका ४ का २९ बर्षीय दिपेश मुखिया सुनुवारको जिल्ला अस्पताल ईनरुवामा उपचारको क्रममा बिहान पौने १० बजे मृत्यु भएको जिल्ला प्रहरी कार्यालय सुनसरीले जनाएको छ । दुर्घटनामा घाईते भएका मोटरसाईकल चालक दमक नगरपालिका १० का ३० बर्षीय योगेस कुमार धिमालको बिराट नर्सिङहोममा उपचार भईरहेको छ । दुर्घटना भएका दुबै सवारी साधन र स १ झ २६८ नम्बरका गाडी चालकलाई प्रहरीले नियन्त्रणमा लिएको छ ।