पथरी । मोरङको पथरी शनिश्चरे नगरपालिकाको कृषि शाखाले नगरका वडाहरुमा तरकारी खेती सम्वन्धी २ दिने निःशुल्क तालिम सञ्चालन गर्ने क्रममा आज आइतबार वडा नम्वर ४ मा पनि तालिम सुरु गरेको छ ।
नगर उपप्रमुख यमुना विष्ट वास्तोलाले प्रमुख अतिथिका रुपमा तालिमको उद्घाटन् गर्दै कृषिलाई व्यवसायिक वनाउने कुरामा यसखाले तालिमले मद्धत गर्ने वताउनु भयो । ४ नम्वर वडाध्यक्ष गोविन्दबहादुर भण्डारी, २ नम्वर वडाध्यक्ष यामप्रसाद गुरागाईं सहितले कृषिको व्यवसायिक विकासमा सवै लाग्नुपर्नेमा जोड दिनुभयो । नगरका १० वडामध्ये ९ वडा कृषिमा आधारित भएकाले ती वडाहरुका लागि २,२ दिने तालिम सञ्चालन गरिएको कृषि शाखाकी प्राविधिक सावित्रा कार्कीले वताउनुभयो । जस ३० जनाको सहभागिता रहने तालिममा सावित्रा कार्कीका साथै सोही शाखाका सविना राई र टीका राईले सहजिकरण गरिरहनु भएको छ ।
