मोरङ । सरकारले मनाउन लागेको ‘भ्रमण वर्ष २०२०’ लाई सफल बनाउने उद्देश्यले विराटनगर जेसीसले सप्ताव्यापी कार्यक्रम गर्ने भएको छ । सरकारले धेरैभन्दा धेरै पर्यटक भित्रयाउने लक्ष्य राखेका बेला विराटनर जेसीसले भ्रमण वर्षलाई टेवा पु¥याउने महत्वपूर्ण कार्यक्रम गर्न लागेको हो । ‘जेसीस सप्ताह’ कार्यक्रम अन्तर्गत विराटनगर जेसीसले मनाउने साताभरीको कार्यक्रमका बारेमा बिहीबार विराटनगरमा पत्रकार सम्मेलन गरेर जानकारी दिइयो । सप्ताहको पहिलो दिन शनिबार प्रदेश १ भरी रहेको पर्यटकीय स्थलको प्रचार–प्रसार गर्ने कार्यक्रम छ ।
प्रदेशभरी रहेको पर्यटकीय स्थलको बारेमा घुम्न जाने पर्यटकलाई जानकारी पु¥याउने उद्देश्यले विराटनगरमा स्टल राखिने विराटनगर जेसीसका अध्यक्ष सेवक बजगाईले जानकारी दिए । ‘विराटनगरको विरेन्द्र सभा गृह हल छेउमा रहेको इकोफन पार्कमा प्रदेशभरीको पर्यटकीय क्षेत्रको बारेमा जानकारी दिन त्यहा स्टल रहनेछ। यहाँ रहेको पर्यटकीय क्षेत्रको बारेमा जानकारी गराइनेछ । यसले भ्रमण वर्षलाई थप टेवा पुग्ने विश्वास लिएको छ।
सोही दिन पर्यटकीय स्थलको विवरणहरु संकलन गरी विराटनगरदेखि भेडेटारसम्म मोटसाइकल ¥याली निकालिने छ । ¥यालीमार्फत भ्रमण वर्षको प्रचार–प्रसार गर्ने योजना छ । ‘विगत वर्षहरूमा भन्दा यस पटक जेसीसको सप्ताहव्यापी कार्यक्रम फरक तरिकाले मनाउने तयारी गरेका छ । यसमा सरकारको पनि साथ सहयोग र समर्थन रहेको छ। शनिबारदेखि सुरु हुने कार्यक्रम कार्तिक २९ गते समापन हुनेछ ।
