मोरङ । शनिबार प्रेस संगठन मोरङले विराटनगरमा आयोजना गरेको शुभकामना कार्यक्रमा एक नम्बर प्रदेशका सामाजिक विकासमन्त्री जीवन घिमिरेले आजकल पत्रकारहरु लाइसेन्स लिएर काम पुरा नगर्ने ठेकेदारहरु जस्तै हुन थालेको बताएका छन । कार्यक्रममा बोल्दै मन्त्री घिमिरेले आफुलाई पत्रकार भन्नेहरुको सख्या सयौँ पुगेपनि कर्तव्यनिष्ठ भएर काम गर्नेहरु एकदमै थोरै रहेको भन्दै उनीहरु लाइसेन्स ओगटेर काम नगर्ने ठेकेदार जस्तै हुन थालेको बताएका हुन् ।
मन्त्री घिमिरले सत्य तथ्य लेखेर खानेहरु भन्दा पनि पत्रकार भनेर मागेर खानेहरुको संख्या बढ्न थालेकोमा चिन्ता व्यक्त्त गरे । उनले पत्रकाहरुले अरुको चर्को आलोचना गरेपनि आफूभित्रको शुद्धीकरणमा चासो नदिएको गुनासो पनि गरे । पत्रकाहरुलाई उनले भने ‘कस्तो पेशा हो जस्ले अरुको मात्र आलोचना गरिरहन्छ तर आफूभित्रको केही पनि देख्दैन ।
मन्त्री घिमिरेले अब पत्रकारहरुले आफ्नो कार्यशैली परिवर्तन गरेर समाचार सम्प्रेषण गर्नुपर्ने समय आइसकेको बताउदै आचार संहिता पालना गर्न पनि आग्रह गरे । पञ्चायत, प्रजातन्त्रकाल सकिएर गणतन्त्र आउँदा पनि पत्रकाहरुको कार्यशैली एकै प्रकारको रहेको भन्दै मन्त्री घिमिरेले भने ‘अब सधैभरी नकारात्मक सोचले मात्र हुँदैन समाज परिवर्तनका लागि सकारात्मक कुरापनि लेख्न थाल्नुपर्छ ।