पथरीशनिश्चरे । पथरीशनिश्चरेमा मोटरसाइकल दुर्घटनामा परि २ युवा शख्त घाइते भएका छन। पथरी शनिश्चरे १ रत्नचोकमा रहेको रत्न बहादुर राईको सालिक रहेको स्थानमा रातको १ः१५ बजेको समयमा अनियंत्रित भई मोटरसाइकल दुर्घटना हुदा पथरी शनिश्चरे १ का २१ बर्षिय घम बहादुर गुरुङ्ग र सोही स्थानका २० बर्षिय रविन तामाङ्ग घाइते भएका हुन्।
मोटरसाइकल अनियंत्रित भई रातको समयमा दुर्घटना भएको प्रहरीले जानकारी दियो। मोटरसाइकल चालक गुरुङ्गको टाउकोमा र पछाडी सवार तामाङ्गको नाकमा चोट लागेको छ। घाइते गुरुङ्गको अवस्था गम्भीर र पछाडी सवार तामाङ्गको अवस्था मध्यम रहेको इलाका प्रहरी कार्यालय पथरीले जानकारी दिएको छ। घाइते दुवैको बिराटनगर स्थित बिराट नर्सिङ होममा उपचार भईरहेको छ।
