सुरेश कार्की
बेलबारी । बेलबारी नगरपालिकाका हरेक वडामा एक वडा एक उत्पादन कार्यक्रम शुरु भएको छ । यहिबिचमा वडा नम्बर ९ ले लिचि जोन कार्यक्रम अगाडि सारेको छ ।
एक वडा एक उत्पादनको निति नगरले लिए सँगै ९ नम्बर वडामा १ हजार लिचिका विरुवा कृषकलाई वाँडिएको छ । पहिलो चरणमा एक घर एक विरुवाको निति लिएका छौँ वडाअध्यक्ष नगेन्द्र खड्काले भने हामीले चालु आवमा २ हजार विरुवा बाँड्ने योजनामा छौ । मागेजति विरुवा आई पुगेन्न दशै अगाडि नै एक हजार विरुवा ल्याएर कृषकलाई बाँड्छौ उनले भने । उत्पादन बर्ष सँग जोडिएर काम गर्ने रणनिति वडाले लिएको वडा अध्यक्ष खड्काले बताए ।
यो वर्ष परिक्षणका लागि केही विरुवा दिएका छौँ वडा सचि
व युवराज गुरागाँईले भने अब आउने आर्थिक वर्षमा मेरो खाली जग्गा छ भनेर कोही कृषक आँउछन भने विरुवा देखि प्राविधिक सहयोग समेत वडाले गर्छ । वडामा खेति नभई बाँझा जग्गाहरु नरहुन भन्ने हाम्रो उद्धेश्य हो उनले भने लिचिको बजारीकरण समेत हामी गरिदिन्छौ । अहिले एक घर एक विरुवाको निति लिएर वितरण गरेको वडा कार्यालयले जनाएको छ ।
गत आर्थिक बर्षमा बेलबारी ४ नम्बर वडाले सुपारी जोन बनाउनका लागि केही विरुवा वितरण गरेको थियो भने १० हजार विरुवा आफै दल राखेको छ । प्रत्येक घरमा सुपारीका विरुवा हुर्किरहेका छन् । आँउदो आवमा कृषकले मागेजति विरुवा हामी आफै दिन्छौँ वडा अध्यक्ष रामकुमार राईले भने सुपारी बजार सम्म पुर्याउनका लागि समेत हामी आफै सहजिकरण गरिदिन्छौ । एक वडा एक उत्पादन सँगै प्रविधियुक्त खेतीमा नगरपालिकाले जोड दिएको मेयर ज्ञानेन्द्र सुवेदीले बताएका छन ।
