झापामा काठ तस्कर र वन समितिका पदाधिकारी बिचको झडपमा तीन जना घाइते - Pahilo Online

झापामा काठ तस्कर र वन समितिका पदाधिकारी बिचको झडपमा तीन जना घाइते

writer

झापा–काठ तस्कर र तस्करी काठ नियन्त्रणमा गर्न गएका सामुदायिक वन समितिका पदाधिकारी बिच झडप हुँदा तीन जना घाइते भएका छन्। काठ तस्कर समूहले समितिका पदाधिकारीमाथि धारिलो हतियार खुकुरी प्रहार गर्दा तीन जना गम्भीर घाइते भएको प्रहरी कार्यालय झापाले जनाएको छ। घाइते हुनेमा कनकाई नगरपालिका २ बस्ने ३२ वर्षीय डम्बर बहादुर राई, सोही ठाउँ बस्ने ४० वर्षीय मेघबहादुर पौडेल र ३६ वर्षीय विनोद राई रहेको प्रहरी कार्यालय झापाका प्रहरी नायव उपरीक्षक महेन्द्र कुमार श्रेष्ठले जानकारी दिए।

प्रहरीका अनुसार तस्कर समूहको खुकुरी प्रहारबाट डम्बरबहादुरको टाउको र बायाँ हात काटिएको, मेघबहादुरको दुवै हातको पाखुरा काटेको, शरीरको विभिन्न भागमा चोट लागेको र विनोदको टाउको, चिउँडो र बायाँ हत्केला काटेको छ। घाइते तीनै जनाको बिर्तामोडस्थित बिएण्डसी अस्पतालमा उपचार भइरहेको प्रहरी नायव उपरीक्षक श्रेष्ठले बताए।

उनका अनुसार कनकाई नगरपालिका २ स्थित घनुषकोटी भन्ने ठाउँमा नाम थर नखुलेका काठ तस्कर समूहले इलामको तीर बाट काठ तस्करी गरी ल्याउँदै गरेको सुकेडाँगी सामुदायिक वन उपभोक्ता समितिका पदाधिकारीले थाहा पाएपछि उनीहरू काठ नियन्त्रणका लागि बुधवार साँझ ८ बजे गएका थिए। काठ नियन्त्रणका क्रममा दुवै पक्ष बिच झडप हुँदा काठ तस्कर समूहले वनका पदाधिकारीमाथि धारिलो हतियार खुकुरी प्रहार गरेका थिए। खुकुरी प्रहार पश्चात् काठ तस्कर फरार भएको थिए। घटनाको विषयमा थाहा पाए लगतै इलाका प्रहरी कार्यालय सुरुङगा र इलाका प्रहरी कार्यालय अनारमनीको टोली घटनास्थल पुगेका थिए। खुकुरी प्रहार गर्ने काठ तस्कर समूहको खोजी कार्य भइरहेको प्रहरी नायव उपरीक्षक श्रेष्ठले जानकारी दिए।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes