पथरी– मोरङको सुन्दरहरैंचा नगरपालिका–५ स्थित नमुना सामुदायिक वन भित्र सोमबार बिहान तीन नाल भरुवा बन्दुक लोड गरेको अवस्थाका फेला पारि बरामद गरीएको छ।
प्रहरीको गस्ती टोलीले बेबारिसे अवस्थामा बिहान ८ बजे रुखको टोड्का भित्र लुकाएर राखेको अवस्थामा बन्दुक फेला पारेको हो । मोरङ प्रहरीका प्रवक्ता डीएसपी राजकुमार खिउँजुका अनुसार तीनवटै बन्दुक भेला पारेर प्रहरीले नियन्त्रणमा लिएको छ । बन्दुक कसले राखेको हो भन्ने बारेमा खुलेको छैन ।
खिँउजुले अवैध रुपमा वन्यजन्तुको चोरी सिकारी गर्ने समूह प्रहरी आएको थाहा पाएपछि रुखको टोड्कामा बन्दुक लुकाएर भागेको हुन सक्ने बताए । बरामद बन्दुकका बारेमा अनुसन्धान सुरु गरिएको जानकारी उनले दिए ।
