मोरङ – प्रदेश १ सरकार मन्त्रिपरिषद्को आइतबार बसेको बैठकले संविधान दिवस अर्थात असोज ३ गते प्रदेशका विभिन्न महत्वपूर्ण स्थानमा ठूलो आकारको राष्ट्रिय झण्डा राख्ने निर्णय गरेको हो।
प्रदेशका विभिन्न महत्वपूर्ण स्थानहरू इलामको कन्याम, श्रीअन्तु, झापाको दमक, काँकडभिट्टा, केचना, सुनसरी इटहरी, कोशी ब्यारेज, धरान, विराटनगर एयरपोर्ट, विराटनगर रानी, सोलु लुक्ला, सगरमाथाको बेसक्याम्पलगायतका स्थानमा राष्ट्रिय झण्डालाई ठूलो आकारको स्थायी रूपमा राख्ने निर्णय गरेको सरकारका प्रवक्ता तथा आन्तरिक मामिला तथा कानूनमन्त्री हिक्मतकुमार कार्कीले जानकारी दिएका छन् ।
यस्तै बैठकले सुनसरीको इटहरीको चोकबाट पूर्व–पश्चिम राजमार्गमा दुईवटा आकाशे पुल निर्माणका लागि भौतिक पूर्वाधार मन्त्रालयको प्रस्तावलाई स्वीकृति पनि प्रदान गरेको छ ।
