झापामा ५२ ग्राम खैरो हेरोईन सहित १ जना पक्राउ

झापा– बिर्तामोड नगरपालिका ५ पुरानो ईलाम स्टेसनबाट ५२ ग्राम लागुऔषध खैरो हेरोईन सहित १ जनालाई प्रहरी पक्राउ गरेको छ । बिशेष सूचनाको आधारमा जिल्ला प्रहरी कार्यालय झापा र लागुऔषध नियन्त्रण ब्युरो काकडभिट्टाबाट खटिएको प्रहरी टोलीले आज बिहान साँढे ९ बजेको समयमा बा १६ च १६९३ नम्बरको कारमा सवार बिर्तामोड नगरपालिका ५ का ३६ बर्षीय राम कृष्ण कडरीयालाई पक्राउ गरेको हो । पक्राउ परेका कडरियालाई ईलाका प्रहरी कार्यालय अनारमनीमा राखि थप अनुसन्धान भईरहेको उक्त कार्यालयले जनाएको छ ।