विराटनगर । आफुलाई धोका दिन लागेको भन्दै मोरङको विराटगरका एक युवाले आफ्नै प्रेमीकाको बिभत्स हत्या गरको छन् ।
विराटनगर–१३ का ३० वर्षीय दिनेश भट्टाईले आफ्नी प्रेमीका २३ वर्षीय शिखा घिमिरेको शुक्रबार विहान हत्या गरेका हुन् ।
प्रहरीका अनुसार दुबैजना विराटनगरबाट प्रेमिका शिखाको को १७ प १७२३ नम्बरको स्कुटरमा घुम्न गएका थिए । घुम्न गएको मौकाम एकान्त पारी ग्रामथान गाउँपालिका–३ सिद्राहा पुयाएर दिनेशले शिकाको हत्या गरेको मोरङ प्रहरी प्रमुख एसपी मनोजकुमार केसीले बताउनुभयो ।
भट्टाईले आफूसँग रहेको धारिलो हतियार दाउ प्रहार गरेर घिमिरेको हत्या गरेको खुलेको प्रहरीले जनाएको छ । हत्यापछि शव नहरको डिलमा फ्यालेर भाग्ने प्रयासमा रहेका दिनेशलाई स्थानीयले नियन्त्रणमा लिई प्रहरीको जिम्मा लगाएका थिए । पक्राउ गरिएका उनलाई इलाका प्रहरी कार्यालय बेलबारीमा लगेर घटनाको अनुसन्धान सुरु गरिएको प्रहरीले जनाएको छ ।
प्रहरीको प्रारम्भिक अनुसन्धानबाट दुईजना प्रेमी–प्रेमिका भएको पत्ता लागेको हो । दुईजना केही समयदेखि प्रेममा रहेको कुरा खुलेको प्रहरीले जनाएको छ । युवतीले धोका दिएर अष्ट्रेलिया जान लागेपछि उनको हत्या गरेको दिनेशले प्रहरीसामु बयान दिएका छन् । शिखा एक सातापछि अस्ट्रेलिया जाने तयारीमा रहेको बताइएको छ ।
शिखाले आपूmलाई धोका दिएर अष्टे«ेलिया जान लागेको र सम्झाउँदा पनि नमानेकोले घुम्ने बहानाम लगेर हत्या गरेको दिनेशले स्वीकार गरेको प्रहरलिे जनाएकोछ । स्थानीय बासिन्दाले नहरमा युवतीको विभत्स शव भेटेपछि हत्या गरेर भाग्दै गरेका दिनेशलाई समातेर प्रहरीलाई खबर गरेका थिए ।
युवतीको अनुहार, घाँटी र पेटमा धारिलो हतियार दाउ प्रहार गरेर विभत्स हत्या गरिएको प्रहरीले जनाएको छ । प्रहरीले घटनास्थलबाट हत्यामा प्रयोग गरिएको दाउ, चक्कु र दुवैजना चढेर गएको को १७ प १७२३ नम्बरको स्कुटर बरामद गरेको छ ।
