विराटनगर । जिल्ला अदालत मोरङले चालु आर्थिक वर्ष २०७४÷०७५ को हालसम्म ६० दशमलब १५ प्रतिशत मुद्दा फछ्र्याैट गरेको छ ।
चालु आर्थिक वर्षको असार २६ गतेसम्म ६ हजार ४ सय ७३ वटा मुद्दा दर्ता भएकोमा ३ हजार ८ सय ९४ वटा मुद्दा किनारा लगाएको अदालतले जनाएको छ ।
अदालतले बुधबार विराटनगरमा पत्रकार सम्मेलन गरी दिएको जानकारी अनुसार २ हजार ५ सय ७९ वटा मुद्दा फछ्र्यौट हुन बाँकी रहेको छ । जसमा अघिल्लो आर्थिक वर्षबाट फछ््र्यौट हुन बाँकी रहेको मुद्दा चालु आर्थिक वर्षमा २ हजार २ सय १३ वटा जिम्मेवारी सरेर आएको थियो ।
जिल्ला न्यायधीश राजुकुमार खतिवडाका अनुसार मोरङमा अंश र सम्बन्ध विच्छेद गर्ने संख्या प्रत्येक वर्ष बढ्दो क्रममा रहेको छ । मोरङमा फछ्र्यौट भएको सबैभन्दा बढी मुद्दासमेत अंश र सम्बन्ध विच्छेद रहेको श्रेस्तेदार नवराज दुलालले जानकारी दिनुभयो ।
गत आर्थिक वर्षमा ६ सय ९७ वटा अंश सम्बन्धि मुद्दा फछ्र्याैट भएको थियो । चालु आर्थिक वर्षमा अंशमुद्दा १ हजार ७५ वटा दर्ता भइ ५ सय ८६ वटा फछ्र्यौट भयो भने ४ सय ८९ वटा मुद्दा बाँकी रहेको अदालतको तथ्याङ्गमा देखिन्छ ।
अंशपछिको सबैभन्दा बढि मुद्दा सम्बन्ध विच्छेदको रहेको छ । कम उमेरमा विवाह गर्नु, एक आपसमा भावना नमिल्नु र वैदेशिक रोजगारको कारणले गर्दा जिल्लामा सम्बन्ध विच्छेदको घटना बढेको न्यायाधिश खतिवडाको भनाइ छ । गत आर्थिक वर्षमा ८ सय १९ वटा सम्बन्ध विच्छेदको मुद्दा फछ्र्यौट भएको थियो ।
चालु आर्थिक वर्षमा ८ य ६६ वटा सम्बन्ध विच्छदको घटना दर्ता भएकोमा ६ सय ७७ वटा फछ्र्यौट भएको छ भने १ सय ८९ वटा बाँकी रहेको छ । सम्बन्ध बिच्छेद भएकाहरुमा अधिकांश प्रेमविवाह गर्नेहरु छन् भने २० देखि ३५ वर्ष उमेर समूहका धेरै छन् ।
अहिले अदालतमा १८ महिना नाघेका २ सय ४२ मुद्दा र ९३ थुनुवा मुद्दा छन् । निरन्तर सुनुवाई गर्नुपर्ने ३ सय ५४ मुद्दा अदालतमा दर्ता भएकामा १ सय ३ मुद्दा फछ्र्यौट भएको छ भने बाल इजलाससँग सम्बन्धि २८ वटा मुद्दा दर्ता भएकोमा २१ फछ्र्यौट भएको र ७ वटा बाँकी रहेको खतिवडाले बताउनुभयो । मेलमिलापबाट १ सय ६१ वटा मुद्दा मिलाएको खतिवडाले जानकारी दिनुभयो ।
अदालतले न्याय सम्पादन प्रक्रियालाई थप प्रभाबकारी बनाउन वर्षमा ४ वटा समुदायमा अदालत कार्यक्रम गर्ने गरेको छ । न्यायधिसहरु नै समुदायमा पुगेर न्याय सम्पादन प्रक्रिया र अदालतको काम कारबाहीबारे अन्तरक्रिया गर्ने गरेको अदालतका श्रेस्तेदार दुलालले जानकारी दिनुभयो ।
अदालतले सेवाग्राहीसँग मिट द जज, जिल्ला न्याय क्षेत्र समन्वय समिति र अदालत व्यवस्थापन समितिमा अदालतको कामबारे अन्तरक्रिया र नियमित स्टाफ मिटिङ गरेर न्याय सम्पादन प्रक्रियामा सुधार गर्दै आएको जनाएको छ । फैसला गरिएका मुद्दाहरुमा फैसला कार्यान्वयनको लागि पनि अदालतले ध्यान दिएको जनाएको छ । फैसला कार्यान्वयनतर्फ ८ सय ६७ वटा निवेदन दर्ता भएकोमा ५ सय ९९ वटा फछ्र्यौट गरिएको छ भने २ सय ६८ वटा बाँकी रहेको छ ।
पछिल्लो समय युवा समूहले लागूऔषधको सेवन र ओसारपोसारले गर्दा लागूऔषको मुद्दा प्रत्येक वर्ष बढ्दो रहेको अदालतको अभिलेखले देखाउँछ । २ सय ८८ वटा लागूऔषधको मुद्दा दर्ता भएकोमा २ सय २३ वटा फछर्यौट र ६५ वटा बाँकी रहेको छ । गत वर्ष २ सय ८ वटा मुद्दा फछ्र्यौट भएको थियो ।
चालु आर्थिक वर्षमा बहुविवाहमा ३२ वटा मुद्दा दर्ता भएकोमा २१ वटा फछ्र्यौट र ११ वटा बाँकी छ । १ सय ५८ वटा जवरजस्ती करणी मुद्दा दर्ता भएकोमा ९६ वटा फछर्यौट भएको छ भने ६२ वटा बाँकी छ ।