जोगवनीमा भारतीय नेतामाथि गोली प्रहार - Pahilo Online

जोगवनीमा भारतीय नेतामाथि गोली प्रहार

writer

पहिलो अनलाइन

विराटनगर । भारतीय सिमावर्ती बजार जोगबनीको रेल्वे स्टेशन अगाडिको टिकुलिया वस्तीमा बिहीबार दिउँसो एक जना नेतामाथि गोली प्रहार भएको छ ।

अज्ञात समूहले जनता दल युनाईटेडका नेता पप्पु पटेललाई मोटरसाईकलमा हिँडिरहेको बेला पछाडिबाट ३ राउण्ड गोली प्रहार गरेको भारतीय प्रहरीले जनाएको छ ।

गोली लागेका पप्पुलाई तत्काल विराटनगर स्थित विराट अस्पतालमा उपचारको लागि ल्याइएको थियो । गम्भीर घाईते भएका उनको त्यहाँ उपचार नसकेपछि धरान स्थित विपी कोईराला स्वास्थ्य विज्ञान प्रतिष्ठानमा लगिएको छ ।

भारतीय प्रहरीको अनुसार लागूऔषध कारोबारीले पटेलमाथि गोली प्रहरी गरेको आशंका गरिएको छ । गोली प्रहार गर्नेको खोजी कार्य तीव्र पारिएको भारतीय सुरक्षाकर्मीले बताएका छन् । पटेलको काँध, कोखा, तिघ्रा र ढाडमा गोली लागेको छ ।

घटनास्थलबाट भारतीय प्रहरीले पेस्तोलमा प्रयोग भएका गोलीहरु बरामद गरेको फार्बिसगञ्जका डीयसपी मनोज कुमारले जानकारी दिनुभयो । घटनास्थलमा भारतको कटिहार रेल्वेका डिएसपी उपेन्द्र कुमार र फार्बिसगंजका डिएसपी मनोज कुमारको टोलीले छानविन गरिरहेको छ ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes