ओखलढुंगा । सशस्त्र द्वन्द्वको क्रममा भएको घटनामा जेल सजाय भोगेर निस्किएका ओखलढुंगाका पूर्वसांसद बालकृष्ण ढुंगेललाई गृह जिल्लाका गाउँ–गाउँमा स्थानीयले सम्मान गरेका छन् ।
द्वन्द्वकालको मुद्दामा जेल सजाय भोगेर गणतन्त्र दिवसमा जेठ १५ गते छुटेका ढुंगेललाई स्थानीयले विभिन्न गाउँमा सम्मान गरिरहेका छन् ।
ढुंगेल ओखलढुंगा आइपुग्दा वामपन्थी युवा मञ्चले सदरमुकाम ओखलढुंगामा औपचारिक कार्यक्रम गरेर बिहीबार सम्मन गरेको हो । उनलाई मानेभञ्ज्यांगको केतुके, सिद्धिचरण नगरपालिकास्थित ओखलढुंगा सदरमुकाम र मोलुङ गाउँपालिकाको रामपुरमा सम्मान गरिएको छ । सम्मान कार्यक्रममा ओखलढुंगा आएका ढुंगेलले आपूmलाई झुटा मुद्दामा फसाइएको भन्दै गम्भीर अनुसन्धान गरेर वास्तविकता बाहिर ल्याउन सरकारसँग माग गर्नुभयो ।
पूर्वसांसद ढुंगेलले आफू ओखलढुंगेली जनताको छोरा भएकाले जनतासँग भेटघाट गर्न जिल्ला आएको बताउनुभयो । अस्पतालमा उपचार गराइरहेका ढुंगेलको द्वन्द्वकालमा पक्राउ परेर प्रहरी हिरासतमा रहँदा यातनाका कारण दुवै मृगौलाले काम नगर्ने भएपछि नियमित उपचार भइहरकेो छ ।
ढुंगेलमाथि ०५५ सालमा ओखलढुंगाको पोकलीकै उज्जनकुमार श्रेष्ठको हत्या अभियोगमा जिल्ला अदालत ओखलढुंगाले कैद सजाय तोकेको थियो । तत्कालीन पुनरावेदन अदालत राजविराजले सफाइ दिएपछि ०६४ सालको संविधानसभाको निर्वाचनमा ओखलढुंगाबाट भारी मतसहित निर्वाचित भएका थिए ।
सांसद हुँदा जिल्लाको विकासमा गरेको योगदानकै कारण ओखलढुंगामा ढुंगेललाई विकासप्रेमी नेताको छवि बनाएका छन् ।
